عمران خان کا پیغام ہے کہ کرپشن کسی صورت برداشت نہیں کی جائے گی، شکایات پر کمیٹی فیصلے کرے گی، مشیر اطلاعات خیبرپختونخوا

نیوز ٹوڈے :   خیبرپختونخوا کے مشیر اطلاعات بیرسٹر محمد علی سیف کا کہنا ہے کہ گورننس کمیٹی پی ٹی آئی کے بانی چیئرمین عمران خان نے بنائی ہے۔شکیل خان کی برطرفی کے معاملے پر ایسا تاثر دیا گیا کہ پارٹی میں اختلافات ہیں۔ گزشتہ روز بانی نے جیل میں پی ٹی آئی سے ملاقات کی۔ انہوں نے کہا کہ اگر کسی کو کوئی اعتراض ہے تو وہ کمیٹی میں نے بنائی ہے۔

انہوں نے کہا کہ یہ تاثر نہ لیا جائے کہ پارٹی میں کوئی گروہ بندی ہے، عہدے کا استعمال کرکے ذاتی مقاصد حاصل نہیں کرنے چاہئیں، عاطف خان یا جنید اکبر کے پاس کوئی ثبوت ہے تو وہ کمیٹی کے سامنے پیش کریں۔ ایسے مسائل ہیں جو گھر بیٹھے حل کیے جا سکتے ہیں۔

بیرسٹر سیف نے کہا کہ بانی پی ٹی آئی نے کہا ہے کہ معاملے کی وضاحت کریں، کمیٹی کے فیصلے پر اعتراض غلط ہے، کچھ لوگوں نے بانی پی ٹی آئی سے ملاقات کی اور کہا کہ کے پی کے کچھ محکموں میں کرپشن ہے، بانی پی ٹی آئی نے کہا کہ پیغام بھیجیں۔ میری طرف سے کرپشن کسی صورت برداشت نہیں کی جائے گی۔

انہوں نے کہا کہ پی ٹی آئی کے بانی نے وزیراعلیٰ خیبرپختونخوا علی امین گنڈا پور اور مختلف لوگوں سے ملاقات کی۔ وہ کمیٹی فیصلہ کرے گی، مشیر احتساب کارروائی کرے گا، کمیٹی کا کہنا ہے کہ شکیل خان کے خلاف شکایات ملی ہیں۔

انہوں نے کہا کہ بانی پی ٹی آئی نے فیصلہ کیا ہے کہ 22 اگست کو اسلام آباد میں جلسہ کیا جائے گا، ہم ضمانت دیتے ہیں کہ امن و امان کا کوئی مسئلہ نہیں ہوگا۔ جلسے میں خیبرپختونخوا سے بڑی تعداد میں لوگ آئیں گے۔ .

خیبرپختونخوا کے مشیر اطلاعات بیرسٹر سیف نے کہا ہے کہ کوشش کریں گے کہ قانون کی خلاف ورزی نہ ہو، بانی پی ٹی آئی نے واضح کیا ہے کہ ہم انتظامیہ اور عدالت سے رجوع کرتے ہیں، پاکستان مشکل حالات میں ہے، رکاوٹیں ڈال کر مزید تلخی پیدا نہ کی جائے۔