تربیلا ڈیم بھر گیا، پانی کا ذخیرہ 57 لاکھ 66 ایکڑ فٹ تک پہنچ گیا

20, اگست , 2024

نیوز ٹوڈے : ترجمان واٹر اینڈ پاور ڈویلپمنٹ اتھارٹی (واپڈا) کا کہنا ہے کہ تربیلا ڈیم اپنی سطح 1550 فٹ تک بھر گیا، مکمل بھرنے کے بعد تربیلا ڈیم میں پانی کا ذخیرہ 57 لاکھ 66 ہزار ایکڑ فٹ تک پہنچ گیا ہے۔

ترجمان واپڈا کے مطابق تربیلا ڈیم بھر چکا ہے، ڈیم میں پانی کا اپنی پوری گنجائش سے بھرنا زرعی شعبے اور کم لاگت اور ماحول دوست بجلی کی پیداوار کے لیے انتہائی خوش آئند ہے۔ترجمان کے مطابق تربیلا ڈیم اپنے قیام سے لے کر اب تک ملکی معیشت اور سماجی ترقی کے لیے اہم کردار ادا کر رہا ہے۔ یہ منصوبہ زراعت کے لیے پانی فراہم کرتا ہے اور کم لاگت پن بجلی پیدا کرتا ہے۔