نواز شریف کو ان کے چاہنے والوں نے مری میں سڑک کنارے روک لیا، محبت بھرے جذبات کا اظہار

20, اگست , 2024

نیوز ٹوڈے : پاکستان مسلم لیگ (ن) کے صدر نواز شریف کو ان کے حامیوں نے مری میں سڑک کنارے روک لیا۔سابق وزیراعظم نواز شریف کو گزرتے دیکھ کر مختلف علاقوں سے آئے لوگوں نے ان سے مصافحہ کیا اور محبت کا اظہار کیا، جس پر نواز شریف نے نوجوانوں کو دیکھ کر گاڑی روک دی۔

نواز شریف کو اپنے درمیان دیکھ کر نوجوانوں نے اپنے پیار بھرے جذبات کا اظہار کیا، نوجوانوں نے ان کے ساتھ سیلفیاں بھی لیں۔اس موقع پر لیہ سے آئے ایک نوجوان نے نواز شریف سے مکالمہ کیا اور کہا کہ جیو گے مرو گے لیکن تمہارے ساتھ کھڑے ہوں گے۔

لیہ کے نوجوان نے دعا کی اور کہا کہ اللہ مجھے اس وقت تک موت نہ دے جب تک میں آپ کو وزیراعظم نہ دیکھوں۔مسلم لیگ ن کے صدر نواز شریف سے گفتگو کرتے ہوئے نوجوان کا کہنا تھا کہ نوجوان نسل آپ کے ساتھ ہے۔