علی امین گنڈا پور کب تک وزیر اعلیٰ رہیں گے؟

21, اگست , 2024

نیوز ٹوڈے : پاکستان تحریک انصاف (پی ٹی آئی) کے رہنما اور رکن قومی اسمبلی عاطف خان کا کہنا ہے کہ جب تک پی ٹی آئی کے بانی چاہیں گے علی امین وزیر اعلیٰ رہیں گے۔

اپنے بیان میں عاطف خان نے کہا کہ علی امین گنڈا پور کو پی ٹی آئی کے بانی نے وزیراعلیٰ بنایا، علی امین گنڈاپور پی ٹی آئی کے بانی کی پسند ہیں۔ پی ٹی آئی رہنما نے کہا کہ ہم کوئی گروپنگ نہیں کر رہے، میں اس کی تردید کرتا ہوں، ہم علی امین کے خلاف کوئی قرارداد نہیں لائے اور نہ ہی ہمارا کوئی تعلق ہے۔