میرپورخاص کے کئی علاقوں میں گیس لائن سے پانی نکلنے لگا

03, ستمبر , 2024

نیوز ٹوڈے : میرپورخاص کے کئی علاقوں میں گیس لائن سے پانی کا اخراج شروع ہوگیا۔میرپورخاص کے علاقے پاک کالونی اور ملحقہ علاقوں میں گزشتہ کئی روز سے گیس لائن سے پانی آ رہا ہے۔

شہریوں کا کہنا ہے کہ گیس بند ہونے کے باعث وہ لکڑیوں پر کھانا پکانے اور ہوٹلوں سے کھانا لانے پر مجبور ہیں۔ کئی روز کی شکایات کے بعد سوئی سدرن گیس کا عملہ پہنچا ہے۔سوئی گیس حکام کا کہنا ہے کہ شکایت ملنے کے بعد عملے نے علاقے میں مرمت کا کام شروع کردیا ہے اور لیکج کی تلاش کی جارہی ہے۔