انٹرمیڈیٹ کے نتائج کا اعلان کر دیا گیا ہے

04, ستمبر , 2024

نیوز ٹوڈے : لاہور بورڈ نے انٹرمیڈیٹ کے امتحانات کے نتائج کا اعلان کر دیا، ردا فاطمہ نے مجموعی طور پر 1193 نمبر لے کر پہلی پوزیشن حاصل کی۔

لاہور بورڈ کے اعلان کردہ نتائج کے مطابق انٹرمیڈیٹ کے امتحانات میں کشف باجوہ اور عاصمہ اعجاز نے مجموعی طور پر 1152 نمبر لے کر دوسری جبکہ اسیرام احمد نے 1150 نمبر لے کر تیسری پوزیشن حاصل کی۔ لاہور بورڈ کے مطابق لاہور ڈویژن کے نجی کالجزنے 23 جبکہ گورنمنٹ کالجز نے 11 پوزیشنیں حاصل کیں۔ گورنمنٹ کالج یونیورسٹی نے انٹرمیڈیٹ کے امتحانات میں 7 جبکہ دانش ہائر سیکنڈری سکول بہاولنگر نے 2 پوزیشنیں حاصل کیں۔

بورڈ کے مطابق میڈیکل، انجینئرنگ، جنرل سائنس، کامرس اور آرٹس میں پوزیشن ہولڈرز کے ناموں کا اعلان کر دیا گیا۔