پی ٹی آئی اور پی پی کے سینیٹرز آپس میں الجھ پڑے۔ بہت تلخ الفاظ

04, ستمبر , 2024

نیوز ٹوڈے : سینیٹ کی قائمہ کمیٹی برائے داخلہ کے اجلاس میں پاکستان تحریک انصاف کے سیف اللہ ابڑو اور پیپلز پارٹی کے شہادت اعوان کے درمیان تلخ کلامی ہوئی۔

سینیٹ کی قائمہ کمیٹی برائے داخلہ کا اجلاس سینیٹر فیصل سلیم رحمان کی زیر صدارت ہوا۔ ملاقات میں سینیٹر سیف اللہ ابڑو اور شہادت اعوان کے درمیان تلخ جملوں کا تبادلہ ہوا۔ شہادت اعوان نے سیف اللہ ابڑو کی تقریر پر اعتراض کیا، سیف اللہ ابڑو برہم ہوگئے اور شہادت اعوان کو ٹاؤٹ کہہ دیا۔ سیف اللہ ابڑو نے کہا کہ اگر تم مزید بکواس کرو گے تو میں کرسی اٹھا کر تمہیں ماروں گا۔ شہادت اعوان تلخ کلامی پر قائمہ کمیٹی کے اجلاس سے اٹھ کھڑے ہوئے۔