دنیا کے مختلف ممالک کی جیلوں میں 20 ہزار پاکستانی قید ہونے کا انکشاف ہوا ہے

05, ستمبر , 2024

نیوز ٹوڈے : دنیا کے 88 ممالک کی جیلوں میں 20 ہزار پاکستانی قید ہونے کا انکشاف ہوا ہے۔قومی اسمبلی میں پیش کی گئی دستاویز میں غیر ملکی جیلوں میں قید پاکستانیوں کی تفصیلات سامنے آگئیں۔ دستاویز کے مطابق 20 ہزار پاکستانی شہری 88 ممالک کی جیلوں میں قید ہیں جن میں 68 ایسے پاکستانی بھی شامل ہیں جنہیں دہشت گردی، قتل اور منشیات کی سمگلنگ کے جرم میں سزائے موت سنائی گئی ہے۔

سعودی عرب کی جیلوں میں 10 ہزار سے زائد پاکستانی قید ہیں۔

اس کے علاوہ متحدہ عرب امارات میں 5,292، ملائیشیا میں 463، برطانیہ میں 321، عمان میں 578، ترکی میں 387، بحرین میں 371، یونان میں 598، چین میں 406، جرمنی میں 90، عراق میں 40، اور ریاستہائے متحدہ میں 114۔ سری لنکا میں 89، اسپین میں 92، افغانستان میں 85، جنوبی افریقہ میں 48 اور فرانس میں 286 پاکستانی ہیں۔