صدر آصف زرداری کیپٹن محمد علی قریشی شہید کے گھر گئے اور انہیں خراج عقیدت پیش کیا

06, ستمبر , 2024

نیوز ٹوڈے : صدر آصف علی زرداری لاہور میں کیپٹن محمد علی قریشی شہید کے گھر پہنچے اور شہید کے اہل خانہ سے اظہار تعزیت کیا اور شہید کیپٹن محمد علی قریشی کی خدمات اور بہادری کو خراج تحسین پیش کیا۔

اس موقع پر صدر آصف زرداری نے کہا کہ دہشت گردی کے خلاف جنگ میں بہت سے جوانوں نے اپنی جانوں کا نذرانہ پیش کیا، شہید محترمہ بے نظیر بھٹو بھی دہشت گردی کے خلاف جنگ میں شہید ہوئیں۔

صدر زرداری نے کہا کہ دہشت گردی کی لعنت کو جڑ سے اکھاڑ پھینکنے کے لیے آخری دم تک کوششیں جاری رکھیں گے، قوم شہداء اور ان کے اہل خانہ کی قربانیوں کو ہمیشہ یاد رکھے گی۔