قائداعظم محمد علی جناح کا 76 واں یوم وفات آج منایا جا رہا ہے

نیوز ٹوڈے :    انگریزوں اور کانگریس کو یکے بعد دیگرے شکست دینے اور مسلمانان ہند کے لیے ایک الگ ریاست قائم کر کے برصغیر کا نقشہ بدلنے والی تاریخ ساز شخصیت قائد اعظم محمد علی جناح کی آج 76ویں برسی منائی جا رہی ہے۔ 

قائداعظم محمد علی جناح نے سیاسی میدان میں گاندھی اور نہرو جیسے  سیاست دانوں کو شکست دی، لارڈ ماؤنٹ بیٹن کے عزائم کے سامنے سیسہ پلائی ہوئی دیوار بن کر کھڑے ہوئے،  اور پاکستان کی جدوجہد میں ان کا ساتھ دیا۔

پہلے وہ جدوجہد آزادی میں کانگریس میں شامل ہوئے لیکن جب انہیں معلوم ہوا کہ تقسیم کے بغیر کوئی چارہ نہیں تو وہ مسلمانوں کے لیے الگ ریاست کے لیے دن رات ایک کر گئے۔قائداعظم نے آزادی کے بعد بکھرے ہوئے پاکستان کو مستحکم کرنے کی بھرپور کوشش کی لیکن زندگی نے زیادہ موقع نہیں دیا۔

قائداعظم نے اپنی وفات سے قبل قوم کے نام ایک پیغام میں مستقبل کا راستہ ان الفاظ میں بیان کیا: ’’تمہاری مملکت کی بنیاد رکھ دی گئی ہے، اب اس کی تعمیر تمہارا فرض ہے‘‘۔ قائد اعظم محمد علی جناح کی وفات 11 ستمبر 1948 کو کراچی میں ہوئی اور آج ان کی 76 ویں برسی منائی جا رہی ہے۔