اسلام آباد سمیت پنجاب اور پختونخوا میں زلزلے کے شدید جھٹکے

11, ستمبر , 2024

نیوز ٹوڈے : وفاقی دارالحکومت اسلام آباد سمیت پنجاب اور خیبرپختونخوا کے مختلف اضلاع میں زلزلے کے شدید جھٹکے محسوس کیے گئے ہیں۔لاہور، ملتان، فیصل آباد، میانوالی، بھکر، کمالیہ، خانیوال، بھلوال، چنیوٹ، حافظ آباد، ٹوبہ ٹیک سنگھ، گجرات، سرگودھا اور جھنگ میں زلزلے کے جھٹکے محسوس کیے گئے۔اس کے علاوہ ساہیوال، چیچہ وطنی، بورے والا، پھول نگر، حجرہ شاہ مقیم، شاہکوٹ، سانگلہ ہل، تلہ گنگ اور چکوال میں بھی زلزلے کے جھٹکے محسوس کیے گئے۔

خیبرپختونخوا میں پشاور، شمالی وزیرستان، ڈی آئی خان، لکی مروت، سوات، شانگلہ، بونیر، لوئر دیر، مالاکنڈ، ٹانک اور چترال میں بھی زلزلے کے جھٹکے محسوس کیے گئے۔زلزلہ پیما مرکز کے مطابق زلزلے کے جھٹکے دوپہر 12 بج کر 28 منٹ پر محسوس کیے گئے جس کی شدت 5.7 اور گہرائی 10 کلومیٹر تھی۔ زلزلے کا مرکز ڈی جی خان کے قریب تھا۔