کراچی میں پہلا خاموش ماتمی جلوس نشتر پارک سے نکالا گیا

13, ستمبر , 2024

نیوز ٹوڈے : کراچی اور لاہور سمیت ملک بھر میں آج خاموش ماتمی جلوس نکالے جائیں گے، کراچی میں پہلا ماتمی جلوس نشتر پارک سے نکالا گیا۔چپ تعزیہ کا جلوس ایم اے جناح روڈ کیپری، صدر دواخانہ سے ہوتا ہوا نور باغ مسافر خانہ موسیٰ لین پر اختتام پذیر ہوگا۔

ایم جناح روڈ پر جلوس کے دوران گرو مندرچوک سے جلوس کے راستے پر ٹریفک کو جانے کی اجازت نہیں ہوگی۔کراچی میں دوسرا چپ تعزیہ جلوس دوپہر ایک بجے رضویہ سوسائٹی سے شروع ہوگا جو شاہ نجف امام بارگاہ مارٹن روڈ پر اختتام پذیر ہوگا۔