وزیر خزانہ نے بڑی خوشخبری سنا دی

نیوز ٹوڈے :   قومی اسمبلی کی قائمہ کمیٹی برائے خزانہ کو انٹرنیشنل مانیٹری فنڈ (آئی ایم ایف) پروگرام کے حوالے سے ان کیمرہ بریفنگ دی گئی۔ وزیر خزانہ محمد اورنگزیب نے آئی ایم ایف پروگرام پر ان کیمرہ بریفنگ دی۔وزیر خزانہ کا کہنا تھا کہ دوست ممالک نے آئی ایم ایف کو پاکستان کے قرضوں کے رول اوور کی یقین دہانی کرائی ہے۔ وزیر خزانہ نے کہا کہ آئی ایم ایف دوست ممالک کی یقین دہانیوں سے مطمئن ہوں۔ یقین دہانی کے بعد آئی ایم ایف نے اجلاس بلایا ہے۔ وزیر خزانہ نے کہا کہ آئی ایم ایف قرض کی پوری رقم ایک ہی رقم میں نہیں دے گا۔ آئی ایم ایف چند شرائط کے ساتھ قسطوں میں رقم تقسیم کرے گا۔

وزیر خزانہ نے کہا کہ سب سے مشکل پاور سیکٹر میں اصلاحات کا ہے، آئی ایم ایف کے ساتھ 7 ارب ڈالر کا پروگرام ہے، پاکستان کی کل ضروریات 12 ارب ڈالر ہیں، آئی ایم ایف کے علاوہ 5 ارب ڈالر کی اضافی فنانسنگ درکار ہوگی۔ قرض وزیر خزانہ نے کہا کہ آئی ایم ایف دیگر بین الاقوامی مالیاتی اداروں سے 5 ارب ڈالر کے حصول میں مدد کرے گا۔ سعودی عرب 1.2 بلین ڈالر کی تیل کی سہولت فراہم کرے گا جس کی شرح سود کا تعین کیا جا رہا ہے۔