نئے ڈی جی آئی ایس آئی کی تعیناتی پر چیئرمین پی ٹی آئی کا ردعمل سامنے آگیا

نیوز ٹوڈے :   چیئرمین پاکستان تحریک انصاف (پی ٹی آئی) بیرسٹر گوہر نے نئے ڈائریکٹر جنرل (ڈی جی) انٹر سروسز انٹیلی جنس (آئی ایس آئی) لیفٹیننٹ جنرل محمد عاصم ملک کی تقرری کا خیرمقدم کیا ہے۔

لیفٹیننٹ جنرل محمد عاصم ملک کو آئی ایس آئی کا ڈی جی مقرر کیا گیا ہے اور وہ 30 ستمبر کو اپنا نیا چارج سنبھالیں گے۔ وہ اس وقت جنرل ہیڈ کوارٹرز (جی ایچ کیو) میں ایڈجوٹینٹ جنرل کے طور پر خدمات انجام دے رہے ہیں۔ لیفٹیننٹ جنرل عاصم ملک اس سے قبل بلوچستان میں انفنٹری ڈویژن اور وزیرستان میں انفنٹری بریگیڈ کی کمانڈ کر چکے ہیں جب کہ انہیں اپنے کورس میں اعزازی تلوار بھی مل چکی ہے۔ عاصم ملک چیف انسٹرکٹر این ڈی یو اور انسٹرکٹر کمانڈ اینڈ سٹاف کالج کوئٹہ بھی تعینات ہیں۔ رہ چکے ہیں اور فورٹ لیون ورتھ اور رائل کالج آف ڈیفنس اسٹڈیز کے گریجویٹ بھی ہیں۔

تقرری پر ردعمل کا اظہار کرتے ہوئے بیرسٹر گوہر نے اس کا خیر مقدم کرتے ہوئے کہا کہ یہ ادارے کا اپنا معاملہ ہے، ہمیں کوئی تحفظات نہیں بلکہ بہتری کی امیدیں ہیں۔ سماء سے بات کرتے ہوئے انہوں نے کہا کہ نئے ڈی جی آئی ایس آئی کی پلیسمنٹ اچھی ہے، ہمیں بہتری کی امید ہے اور پلیسمنٹ پر کوئی تحفظات نہیں۔