پی ٹی آئی چیئرمین نے اعتراف کیا کہ تحریک انصاف کے ایم این ایز پارٹی سے رابطے میں نہیں

01, اکتوبر , 2024

نیوز ٹوڈے : پاکستان تحریک انصاف کے چیئرمین بیرسٹر گوہر نے اعتراف کیا ہے کہ تحریک انصاف کے ارکان قومی اسمبلی پارٹی سے رابطے میں نہیں ہیں۔ بیرسٹر گوہر نے کہا کہ تحریک انصاف کے دو ارکان قومی اسمبلی پارٹی سے رابطے میں نہیں ہیں تاہم وہ ان سے رابطے کی کوشش کر رہے ہیں۔

بیرسٹر گوہر نے وزیراعلیٰ خیبرپختونخوا علی امین گنڈا پور کے بیان کا دفاع کرتے ہوئے کہا کہ علی امین گنڈا پور پرامن تھے اور ان کا کسی صوبے پر حملہ کرنے کا کوئی ارادہ نہیں تھا۔انہوں نے کہا کہ علی امین کا بیان پارٹی کے لیے کوئی مسئلہ نہیں اور وہ آئندہ بھی پرامن جلسوں میں شرکت کرتے رہیں گے۔