بے روزگاروں کے لیے خوشخبری، محکمہ ہائر ایجوکیشن نے ہزاروں بھرتیاں شروع کر دی

02, اکتوبر , 2024

نیوز ٹوڈے : پنجاب میں 7 ہزار 300 سے زائد کالج اساتذہ کی انٹرنز بھرتی کا عمل شروع، محکمہ ہائر ایجوکیشن نے پورٹل جاری کر دیا۔ محکمہ ہائر ایجوکیشن نے کالج ٹیچرز انٹرن کی بھرتی کا عمل شروع کر دیا ہے۔ اس سلسلے میں محکمہ ہائر ایجوکیشن نے ایک پورٹل بھی جاری کر دیا ہے۔ کالج ٹیچر انٹرن کی درخواستیں آج سے پورٹل پر طلب کی گئی ہیں۔ محکمہ ہائر ایجوکیشن پنجاب کے تمام کالجوں میں خالی آسامیوں پر کالج اساتذہ انٹرن بھرتی کر رہا ہے۔ سات ہزار تین سو سے زائد کالج اساتذہ انٹرن بھرتی کیے جائیں گے۔ کالج اساتذہ انٹرنز کو آٹھ ماہ کے لیے بھرتی کیا جائے اور ماہانہ تنخواہ 50 ہزار روپے ہوگی۔