پولیس پوری طرح تیار ہے، کوئی اسلام آباد آئے تو شکایت نہ کرے، محسن نقوی

نیوز ٹوڈے :   وفاقی وزیر داخلہ محسن نقوی کا کہنا ہے کہ پولیس پوری طرح تیار ہے، کوئی اسلام آباد آئے تو شکایت نہ کرے۔اسلام آباد میں پریس کانفرنس کرتے ہوئے انہوں نے کہا کہ تحریک انصاف نے کل احتجاج کی کال دی ہے، اسلام آباد میں اہم بین الاقوامی تقریبات ہو رہی ہیں، دفعہ 144 پہلے سے نافذ ہے، ان لوگوں کے پاس کل تک کا وقت ہے۔ دوبارہ سوچنا چاہیے۔

اسلام آباد پر حملہ کرنے کی اجازت نہیں اور نہ ہی ان کی زینت بنتی ہے۔ کسی نے اسلام آباد پر حملہ کیا تو کوئی نرمی نہیں برتی جائے گی۔ کل کوئی اسلام آباد آتا ہے تو پولیس اس کے لیے پوری طرح تیار ہے۔ان کا مزید کہنا تھا کہ ملائیشیا کے وزیراعظم آچکے ہیں، چین اور سعودی عرب کے وفود پاکستان آرہے ہیں، ہم نے ہر صورت اسلام آباد میں سیکیورٹی کو یقینی بنانا ہے۔

سیاست کریں لیکن 17 اکتوبر تک اجازت نہیں، مولانا فضل الرحمان نے بھی احتجاج ملتوی کرنے کی درخواست کردی، ایس سی او اجلاس تمام پاکستانیوں کے لیے اہم ہے، پاکستان کا مفاد پہلے اور ذاتی مفاد بعد میں دیکھیں۔ پھر بعد میں کہتا ہوں۔ کسی کو ہمارے بارے میں شکایت نہیں کرنی چاہیے، احتجاج سب کا حق ہے لیکن ملک کی عزت کا خیال رکھیں، امید کرتا ہوں وزیر اعلیٰ خیبرپختونخوا ایسا فیصلہ نہیں لیں گے جس سے ملک کی عزت کو نقصان پہنچے۔

وزیراعلیٰ خیبرپختونخوا اپنے فیصلے پر نظر ثانی کریں، سیکیورٹی انتظامات میں کوئی کوتاہی برداشت نہیں کی جائے گی، ہم انہیں روکنے کے لیے کسی بھی حد تک جائیں گے۔ کل کچھ لوگوں کو گرفتار کیا گیا، احتجاج کرنا ہے تو ایسی کوئی تیاری نہیں۔ .