اسلام آباد میں میٹروبس سروس جزوی طور پر معطل

07, اکتوبر , 2024

نیوز ٹوڈے : وفاقی دارالحکومت اسلام آباد میں میٹروبس سروس تاحال جزوی طور پر بند ہے۔حکام کے مطابق راولپنڈی کے صدر اسٹیشن سے فیض آباد تک میٹروبس سروس بحال کردی گئی ہے جب کہ فیض آباد سے پاک سیکریٹریٹ تک میٹروبس سروس مکمل طور پر بند ہے۔

ذرائع کا کہنا ہے کہ میٹرو بس سروس ضلعی انتظامیہ کی ہدایت پر بند کی گئی ہے۔واضح رہے کہ وفاقی دارالحکومت کے مختلف مقامات پر گزشتہ 3 روز سے تحریک انصاف کا احتجاج جاری تھا جس کے باعث میٹرو بس سروس بند تھی تاہم اب بس سروس کچھ حد تک بحال کردی گئی ہے۔