کراچی: معروف ٹی وی اداکار مظہر علی انتقال کر گئے

08, اکتوبر , 2024

نیوز ٹوڈے: پاکستان کے معروف اداکار مظہر علی انتقال کر گئے۔اسپتال ذرائع کے مطابق اداکار مظہر علی دل کے عارضے میں مبتلا تھے اور نجی اسپتال میں زیر علاج تھے۔اہل خانہ نے مظہر علی کی موت کی تصدیق کرتے ہوئے بتایا کہ مرحوم کی نماز جنازہ آج طیبہ مسجد ناظم آباد نمبر 3 میں بعد نماز مغرب ادا کی جائے گی۔

اداکار مظہر علی نے اپنے کیریئر کا آغاز ڈراموں 'افشاں' اور 'عروسہ' سے کیا، اس کے علاوہ انہوں نے پی ٹی وی کے ڈراموں 'گرہ' اور 'ہلا' سمیت دیگر ڈراموں میں اداکاری کے جوہر دکھا کر ناظرین کے دلوں میں جگہ بنائی۔