پی ٹی آئی نے 2 ہزار روپے کا لالچ دے کر دھرنے پر بلایا، گرفتار افغان باشندے کا انکشاف

نیوز ٹوڈے:  اسلام آباد احتجاج کی آڑ میں شرارت کرنے والے متعدد افغان شہریوں کو گرفتار کر لیا گیا۔افغانوں نے اعتراف کیا کہ پی ٹی آئی نے انہیں روزانہ 2000 روپے کا لالچ دیا اور توڑ پھوڑ کرنے کو کہا۔افغان باشندوں نے اپنے بیان میں کہا کہ پی ٹی آئی نے ہمیں پیسوں کا لالچ دیا اور اسلام آباد میں توڑ پھوڑ کی ہدایات دیں، پی ٹی آئی نے ہمیں ابھی تک پیسے نہیں دیے، ان کی وجہ سے ہم بند ہیں۔

خیال گل نامی افغان بدمعاش نے کہا کہ میرا تعلق افغانستان سے ہے، پی ٹی آئی کی قیادت کے بہکاوے میں آتے ہوئے مجھے شرم آتی ہے، ان کی حمایت کا کوئی فائدہ نہیں ہوا، نہ پیسے دیے اور نہ ہی دوبارہ پیش ہوئے۔ عبدالرحمن۔ افغان باشندے کا یہ بھی کہنا تھا کہ پی ٹی آئی چاہتی تھی کہ ہم اسلام آباد جا کر ہنگامہ کریں اور سرکاری املاک کو نقصان پہنچائیں۔

ملاداد نامی ایک اور افغان باشندے نے بتایا کہ ہم تین دوست پشاور سے پی ٹی آئی کے دھرنے میں شرکت کے لیے آئے تھے۔واضح رہے کہ ہفتے کے روز وزیراعلیٰ خیبرپختونخوا علی امین گنڈا پور کے ساتھ آنے والے پاکستان تحریک انصاف (پی ٹی آئی) کے کارکنوں نے اسلام آباد کے ڈی چوک تک پہنچنے کی کوشش کی۔

تاہم پولیس نے شیلنگ کرکے مظاہرین کو پیچھے دھکیل دیا جب کہ پی ٹی آئی کے مظاہرین نے بھی پولیس پر شیلنگ کی۔جواب میں پی ٹی آئی کے کارکنوں نے پتھراؤ کیا، چائنہ چوک پر جمع کارکنوں پر شیلنگ بھی کی گئی، تاہم کارکنوں نے آنسو گیس کے اثر کو کم کرنے کے لیے قریبی درختوں کو جلا دیا۔