معروف اسکالر ذاکر نائیک کو کوکراچی یونیورسٹی نے اعزازی ڈگری سے نوازا

10, اکتوبر , 2024

نیوز ٹوڈے : معروف سکالر ڈاکٹر ذاکر عبدالکریم نائیک کو پی ایچ ڈی کی اعزازی ڈگری سے نوازا گیا۔گورنر ہاؤس کراچی میں جامعہ کراچی کے خصوصی کانووکیشن میں گورنر سندھ اور یونیورسٹی کے چانسلر کامران ٹیسوری نے ڈاکٹر ذاکر عبدالکریم نائیک کو ڈاکٹر آف فلاسفی کی ڈگری عطا کی۔کانووکیشن کی خصوصی تقریب میں جامعہ کراچی کے اساتذہ، سنڈیکیٹ ممبران اور مختلف ممالک کے قونصل جنرلز سمیت دیگر اہم شخصیات نے شرکت کی۔

خصوصی کانووکیشن تقریب کے دوران جامعہ کراچی کے وائس چانسلر ڈاکٹر خالد محمود عراقی نے ڈاکٹر ذاکر نائیک کو ڈاکٹر آف فلاسفی کی ڈگری دینے کا اعلان کیا اور گورنر سندھ کامران ٹیسوری نے ڈاکٹر عبدالکریم ذاکر نائیک کو ڈگری عطا کی۔

اس موقع پر گورنر سندھ نے کہا کہ ڈاکٹر ذاکر نائیک ریاست کے مہمان ہیں، انہیں دیا گیا یہ اعزاز ہم سب کے لیے باعث فخر ہے۔