پی ٹی آئی عمران خان سے سیاسی ملاقات میں سہولت فراہم کرنا چاہتی ہے، اسی لیے بلیک میلنگ کر رہی ہے، خواجہ آصف

نیوز ٹوڈے :    پاکستان مسلم لیگ (ن) کے رہنما اور وزیر دفاع خواجہ آصف کا کہنا ہے کہ پی ٹی آئی عمران خان سے سیاسی ملاقات میں سہولت کاری کرنا چاہتی ہے اس لیے انہیں بلیک میل کر رہی ہے۔

وزیر دفاع خواجہ آصف نے ایکس (ٹوئٹر) پر اپنے ایک بیان میں لکھا کہ جب سابق وزیراعظم نواز شریف جیل میں تھے تو انہیں اپنی اہلیہ (کلثوم نواز) سے فون پر بات کرنے کی اجازت نہیں دی گئی اور وہ اسی حالت میں دنیا سے چلی گئیں۔ وزیر دفاع خواجہ آصف کے ٹوئٹ کے مطابق پاکستان تحریک انصاف (پی ٹی آئی) بلیک میل کر رہی ہے کہ پی ٹی آئی کے بانی سے سیاسی ملاقات کی سہولت فراہم کی جائے ورنہ شنگھائی تعاون تنظیم (ایس سی او) کانفرنس سبوتاژ کر دی جائے گی۔

انہوں نے مزید لکھا کہ پی ٹی آئی کے بانی عمران خان سے ملاقات کے لیے لندن سے بچوں کو بلایا جائے تو بات بنتی ہے۔

واضح رہے کہ شنگھائی تعاون تنظیم (ایس سی او) کا سربراہی اجلاس 15 اور 16 اکتوبر کو اسلام آباد میں ہوگا جس میں چین، روس اور بھارت سمیت دیگر ممالک کے رہنما اور نمائندے شرکت کریں گے۔

 پی ٹی آئی نے شنگھائی تعاون تنظیم کے سربراہی اجلاس کے موقع پر 15 اکتوبر کو ڈی چوک پر احتجاج کا اعلان کیا ہے، تحریک انصاف نے شرط رکھی ہے کہ بانی پی ٹی آئی سے ملاقات کریں گے، 15 اکتوبر کو ڈی چوک پر ہونے والا احتجاج موخر کر دیا گیا ہے تاہم حکمران مسلم لیگ ن نے تحریک انصاف کا مطالبہ مسترد کر دیا۔

دریں اثناء شنگھائی کانفرنس کے موقع پر ڈی چوک میں احتجاج پر تحریک انصاف کے اندر سے آوازیں اٹھ رہی ہیں۔