اسلام آباد ایکسپریس کے پہیے میں خرابی، مسافروں نے چلتی ٹرین روک دی

14, اکتوبر , 2024

نیوز ٹوڈے : اسلام آباد ایکسپریس میں سوار مسافروں نے وزیرآباد ریلوے اسٹیشن پر چلتی ٹرین کو روک دیا۔

ٹرین میں سوار ایک مسافر نے بتایا کہ اسلام آباد ایکسپریس ٹرین کے ایک پہیے میں خرابی کے باوجود راولپنڈی سے لاہور جا رہی تھی۔ اسے روک دیا گیا لیکن ڈرائیور نے خرابی دور کیے بغیر ٹرین کو دوبارہ سٹارٹ کر دیا جس کے بعد وزیر آباد پہنچنے پر مسافروں نے دوبارہ شور مچایا اور ٹرین روک دی۔

مسافروں نے مطالبہ کیا ہے کہ ریل میں موجود خرابی کو دور کرکے ٹرین کی روانگی کے لیے انتظامات کیے جائیں۔دوسری جانب ریلوے انتظامیہ کا موقف ہے کہ ٹرین کی خرابی دور کرنے کے لیے انتظامات کیے جا رہے ہیں، ٹرین کو جلد روانہ کر کے واقعے کی تحقیقات کی جائیں گی۔