برسوں تک اپنے معذور شوہر کی خدمت کرنے والی خاتون کو طلاق دے دی گئی اور شوہر کے صحت مند ہوتے ہی دوسری شادی کر لی

24, اکتوبر , 2024

نیوز ٹوڈے : ملائیشیا سے تعلق رکھنے والی خاتون نے انکشاف کیا ہے کہ اس کا شوہر 6 سال سے معذور تھا جس نے اسے طلاق دے دی اور صحت یاب ہوتے ہی دوسری شادی کر لی۔گزشتہ 6 سال سے نور السزوانی نامی خاتون سوشل میڈیا پر اپنی اور اپنے شوہر کی زندگی کی جھلکیاں شیئر کر رہی تھیں۔

اپنی ویڈیوز میں، اس نے بتایا کہ وہ کس طرح اپنے بیمار اور معذور شوہر کو ایک ٹیوب کے ذریعے کھانا کھلاتی اور ان کی دیکھ بھال کرتی تھی۔ نورالسیزوانی کے شوہر کی گاڑی کو حادثہ پیش آیا اور اسے دوبارہ چلنے میں 6 سے 7 سال لگے۔ اس میں وقت لگا لیکن اب حال ہی میں ایک فیس بک پوسٹ کے ذریعے خاتون نے انکشاف کیا ہے۔

اپنی پوسٹ میں نور السزوانی نے لکھا، "میں اپنے سابق شوہر کو ان کی شادی پر مبارکباد پیش کرتی ہوں۔ مجھے امید ہے کہ ان کی نئی بیوی میری طرح ان کا خیال رکھے گی۔"بعد ازاں نور نے فیس بک سے وہ پوسٹ ڈیلیٹ کر دی جس پر صارفین اپنے سابق شوہر کو تنقید کا نشانہ بنا رہے تھے۔تاہم خاتون کی طلاق اور پھر اس کے شوہر کی دوبارہ شادی کی وجہ نہیں بتائی گئی۔