جنوبی کوریا میں اسرائیلی سفارتخانے پر نامعلوم افراد کا حملہ

25, اکتوبر , 2024

نیوز ٹوڈے : جنوبی کوریا کے دارالحکومتی شہر (سیئول) میں اسرائیل کے سفارتخانے پر کچھ نامعلوم افراد نے حملہ کر دیا - "عرب میڈیا" کی دی گئی رپورٹ کے مطابق جنوبی کوریا میں اسرائیل کے سفارتخانے پر نامعلوم ارفراد کے حملہ آور ہونے کی تصدیق اسرائیلی وزارت خارجہ نے بھی کر دی ہے-

اسرائیلی وزارت خارجہ کا کہنا تھا کہ 'سیئول میں قائم اسرائیلی سفارتخانے پر کچھ نامعلوم افراد نے چھٹی کے دن دھاوا بول دیا - اور سفارتخانے کی عمارت اور اندر موجود سامان کو نقصان پہنچایا - اسرائیل کے وزارت خارجہ نے بتایا کہ اس دن یہودیوں کے مذہبی تہوار کی وجہ سے سفارتخانے میں چھٹی تھی جس کی وجہ سے اس سارے واقعہ میں سفارتخانے کےعملے کے کسی بھی فرد کو کوئی نقصان نہیں پہنچا'-