شام کے دارالحکومتی شہر کی حفاظتی چیک پوسٹوں پر اسرائیلی حملے

25, اکتوبر , 2024

نیوز ٹوڈے : شام کی سیکیورٹی چیک پوسٹوں پر اسرائیلی فضائی حملوں میں ایک شامی فوجی جان بحق جبکہ 7 زخمی ہو گۓ - اسرائیلی فوج کے لڑاکا طیاروں نے شام کے دارالحکومتی شہر کی حفاظتی چیک پوسٹوں پر گولان اور لبان کے شمالی علاقوں سے بمباری کی - عرب میڈیا کی دی گئی رپورٹ کے مطابق صیہونی فوج نے شام کے علاقہ (کفر سوسہ) میں قائم 2 چیک پوسٹوں اور (حمص) کی ایک چیک پوسٹ پر حملہ کیا -

ان حملوں میں شامی فوج کا ایک جوان شہید جبکہ 7 زخمی ہو گۓ - اسرائیلی بمباری سے چیک پوسٹوں پر رکھا اسلحہ اور گولہ بارود بھی تباہ ہو گیا ـ پیر کے دن دمشق میں بھی اسرائیلی فوج نے ایک گاڑی پر فضائی حملہ کیا تھا جس سے گاڑی میں موجود 2 افراد ہلاک اور 3 زخمی ہو گۓ تھے حزب اللہ کا کہنا تھا کہ اس گاڑی میں موجود حزب اللہ کے ایک اہم سربراہ اس حملے میں شہید ہو گۓ - اسی مہینے کے شروع میں اسرائیل نے شام کے ایک علاقہ پر حملہ کر کےحزب اللہ سربراہ حسن نصراللہ کے داماد سمیت 4 افراد کو شہید کر دیا تھا -