قطر ایئر لائن نے لبنان ، عراق اور ایران کیلیے اپنی پروازیں بند کرنے کا اعلان کر دیا

25, اکتوبر , 2024

نیوز ٹوڈے : لبنان ، عراق اور ایران پر اسرائیلی حملوں کی دھمکیوں کے بعد قطر ایئرلائن نے ان ممالک کیلیے اپنی پروازیں بند کر دیں - "عرب میڈیا" کی رپورٹ کے مطابق قطر ایئرلائن نے چند عرب ممالک کیلیے اپنی پروازیں بند اور کچھ کیلیے محدود کرنے کا اعلان کر دیا ہے - قطر ایئر لائن کے جاری کردہ بیان کے مطابق اردن کیلیے صرف دن کے وقت ہماری پروازیں دستیاب ہوں گی اور شام ہوتے ہی بند کر دی جائیں گی -

قطر ایئرلائن کی جانب سے جاری کردہ بیان میں کہا گیا کہ ایران ، لبنان اور عراق کیلیے پروازیں کسی دوسرے حکم تک بند رہیں گی - مسافروں کی زندگی کا تحفط ہماری اولین ترجیح ہے ـ مسافروں کو بھی ہدایت جاری کی گئی کہ ان ممالک کے سفر سے پہلے ایئر لائن کے دفتروں سے معلومات حاصل کر لی جائیں - امریکی وزیر خارجہ (انٹونی بلنکن) کے قطر پہنچتے ہی قطر ایئرلائن نے ایران ، عراق اور لبنان کیلیے اپنی پروازیں منسوخ کرنے کا اعلان کیا ہے - اس سے پہلے امریکی وزیر خارجہ سعودی عرب اور اسرائیلی قیادت سے بھی غزہ جنگ بندی پر بات چیت کر چکے ہیں -