غزہ: اسرائیلی فوج کی فائرنگ سے ایک ہی خاندان کے 13 بچوں سمیت 38 افراد شہید ہوگئے

25, اکتوبر , 2024

نیوز ٹوڈے : اسرائیلی فوج نے غزہ میں ایک ہی خاندان کے 13 بچوں سمیت 38 افراد کو شہید کر دیا۔خلیجی میڈیا کے مطابق اسرائیلی فوج نے خان یونس کے علاقے المنارا میں حملہ کرتے ہوئے 14 بچوں سمیت 38 افراد کو شہید کردیا جب کہ شہید ہونے والے بچوں میں سے 13 کا تعلق ایک ہی خاندان سے ہے۔

اطلاعات کے مطابق اسرائیلی طیاروں نے ایک عمارت پر بم گرائے جس سے قریبی عمارتوں کو نقصان پہنچا جس سے مرکزی عمارت میں موجود افراد کے ساتھ ساتھ قریبی عمارتوں میں موجود دیگر افراد بھی ہلاک ہوئے۔

اطلاعات کے مطابق اسرائیلی فوج نے کمال عدوان ہسپتال پر بھی حملہ کیا جو غزہ کے چند باقی آپریٹنگ ہسپتالوں میں سے ایک ہے اور اسرائیلی فورسز ہسپتال میں داخل ہو گئیں۔

دوسری جانب لبنان میں حزب اللہ کی جانب سے اسرائیلی حملوں اور جوابی حملوں کا سلسلہ جاری ہے۔ گزشتہ روز اسرائیلی فوج کے حملے میں تین صحافی مارے گئے تھے جب کہ حزب اللہ کے ساتھ لڑائی میں 10 اسرائیلی فوجی بھی ہلاک اور 24 زخمی ہوئے تھے۔