جنوبی لبنان میں اسرائیلی حملے میں ایک ہی گھر کے 5 افراد شہید

28, اکتوبر , 2024

نیوز ٹوڈے : "بین الاقوامی میڈیا" کی رپورٹ کے مطابق جنوبی لبنان کے علاقہ (تفاحتا) میں صیہونی فوج کے فضائی حملے میں ایک ہی گھر کے 5 افراد شہید ہو گۓ - رپورٹ کے مطابق جنوبی لبنان کے صیدا کے علاقے تفاحتا میں اسرائیل کے فضائی حملے میں "ابو ریا" خاندان سے تعلق رکھنے والے ایک ہی خاندان کے 5 افراد شہید ہو گۓ-

جن کے نام (ابو ریا ، رقیہ ابو ریا ، محمد ابوو ریا ، غنا ابو ریا اور نور ابوریا) شامل ہیں - لبنان میں اسرائیل فضائی حملوں میں 19 افراد شہید ہوۓ ہیں جس سے لبنان میں صیہونی فوج کے حملوں میں شہید ہونے والے لبنانیوں کی تعداد 2 ہزار 653 ہو چکی ہے - لبنانی وزیر صحت کے جاری کردہ بیان کے مطابق جمعہ کے دن لبنان پر اسرائیلی حملے میں 19 افراد شہید ہوگۓ - جس سے اسرائیل کے ہاتھوں شہید ہونے والے لبنانی افراد کی تعداد 2 ہزار 653 ہو گئی -