سوڈان میں رکشے اور طیارے میں تصادم

نیوز ٹوڈے :   سوڈان میں رکشے کے ساتھ طیارہ ٹکرا گیا جس سے 4 افراد ہلاک اور 12 زخمی ہو گۓ ـ "بین الاقوامی میڈیا" کی رپورٹ کے مطابق (سوڈان کی ریاست القضارف) میں ایک کچے رن وے پر طیارہ وہاں پر کھڑے رکشے سے ٹکرا گیا ـ اس واقعہ سے مقامی لوگوں میں حیرت اور خوف کی لہر دوڑ گئی ـ مقامی میڈیا کے مطابق یہ حادثہ اس وقت پیش آیا جب سوڈان کا ایک فصلوں پر سپرے کرنے والا طیارہ تلوں کی کٹائی کرنے والے مزدوروں کو لے جانے والے رکشے سے ٹکرا گیا ـ طیارہ "الفشقہ الکبرٰی" کے علاقہ میں کچے رن وے پر اتر رہا تھا کہ رکشے کے ساتھ ٹکرا گیا

جس سے رکشے میں سوار 4 افراد جان بحق اور باقی زخمی ہو گۓ ـ زخمیوں میں سے ایک شخص کو علاج کیلیے "کسلا ہسپتال" منتقل کر دیا گیا ـ رکشے کا ڈرائیور اور اس کا ساتھی دونوں محفوظ رہے ـ سوڈان کی ریاست القضارف میں پیدا وار اور اقتصادی وسائل کے وزیر کے ڈائریکٹر (جنرل عمار عبداللہ) نے بتایا کہ طیارہ پرندوں سے نمٹنے کے مشن پر تھا ـ جیسے ہی طیارہ لینڈنگ کے قریب پہنچا تو پائلٹ کو رن وے پر رکشا دکھائی دیا ـ یہ سب کچھ اچانک ہوا ایسے معلوم ہو رہا تھا کہ رکشا زمین کے اندر سے نکل آیا ہے ـ