شمالی غزہ میں حزب اللہ کے ساتھ جھڑپوں میں 6 اسرائیلی فوجی ہلاک

28, اکتوبر , 2024

نیوز ٹوڈے : اسرائیلی فوج نے غزہ اور لبنان میں جھڑپوں میں مزید 6 اسرائیلی فوجیوں کی ہلاکت کا اعلان کیا ہے۔اسرائیلی فوج نے آج اپنے بیان میں کہا ہے کہ ہفتے کی رات لبنان میں حزب اللہ کے ساتھ جھڑپوں میں 5 اسرائیلی فوجی ہلاک اور 14 زخمی ہو گئے۔

اسرائیلی فوج کے مطابق ہلاک ہونے والے فوجیوں میں ایک میجر، دو ریزرو کیپٹن، ایک ریزرو ماسٹر سارجنٹ اور ایک ریزرو سارجنٹ میجر شامل ہیں۔اسرائیلی میڈیا کے مطابق لبنان میں جاری زمینی کارروائی میں اب تک 34 اسرائیلی فوجی ہلاک ہو چکے ہیں۔

اسرائیلی فوج نے شمالی غزہ میں لڑائی کے دوران ایک اسرائیلی فوجی کی ہلاکت کا بھی اعلان کیا ہے۔اسرائیلی فوج کے بیان کے مطابق 22 سالہ سٹاف سارجنٹ 18 اکتوبر کو شمالی غزہ میں جھڑپوں میں زخمی ہوا تھا اور آج دم توڑ گیا۔