اسرائیلی فوج کاغزہ میں ایک رہائشی عمارت پر حملہ 77 فلسطینی شہید

29, اکتوبر , 2024

نیوز ٹوڈے : اسرائیلی فوج نے منگل کی صبح بیت الالہیہ شہر پر بمباری کی جس کے نتیجے میں متعدد فلسطینی شہید ہوگئے۔عرب میڈیا کے مطابق اسرائیلی فوج نے منگل کی صبح ایک بار پھر بیت الہیٰ شہر میں رہائشی عمارتوں پر بمباری کی جس کے نتیجے میں 77 فلسطینیوں کی ہلاکت کی تصدیق ہوگئی ہے جب کہ ہلاکتوں میں اضافے کا خدشہ ہے۔

میڈیا رپورٹس کے مطابق اسرائیلی حملے میں جاں بحق ہونے والوں میں خواتین اور 17 کمسن بچے بھی شامل ہیں جب کہ متعدد افراد عمارت کے ملبے تلے دبے ہوئے ہیں جنہیں ریسکیو حکام نکالنے کی کوشش کر رہے ہیں۔

عرب میڈیا کے مطابق عمارت میں 100 سے زائد افراد موجود تھے جن میں سے کچھ مقامی افراد بھی تھے جب کہ گزشتہ روز جبلیہ کیمپ سے زبردستی نکالے جانے کے بعد کچھ افراد نے عمارت میں پناہ لی تھی۔

دوسری جانب لبنان میں اسرائیلی حملوں کا سلسلہ جاری ہے اور گزشتہ رات اسرائیلی فوج نے وادی بیقا میں فضائی حملہ کیا جس کے نتیجے میں 60 افراد شہید اور 58 زخمی ہوگئے۔