شمالی غزہ میں اسرائیلی فوج کے کیپٹن سمیت 4 فوجی مارے گئے

29, اکتوبر , 2024

یوز ٹوڈے : شمالی غزہ کے علاقے جبالیہ میں فلسطینی مزاحمت کاروں کے ساتھ جھڑپ میں اسرائیلی فوج کے 4 اہلکار ہلاک ہوگئے۔اسرائیلی فوج کے بیان کے مطابق ہلاک ہونے والے فوجیوں میں ایک کیپٹن اور 3 اسٹاف سارجنٹس شامل ہیں۔

اسرائیلی فوج کی جانب سے بتایا گیا ہے کہ جھڑپوں میں اسرائیلی فوج کا ایک افسر بھی شدید زخمی ہوا ہے۔اسرائیلی میڈیا کے مطابق ہلاک ہونے والے فوجی اسرائیلی فوج کے 'بھوت یونٹ' کا حصہ تھے اور فوج ان کی ہلاکت کی تحقیقات کر رہی ہے۔

اسرائیلی فوج کے مطابق گزشتہ ایک سال سے جاری جنگ میں مجموعی طور پر 766 اسرائیلی فوجی ہلاک ہو چکے ہیں۔