لندن ، مشہور جیمی اولیور (برہنہ باورچی ) کے ڈیری سے کروڑوں مالیت کا پنیر چوری

30, اکتوبر , 2024

نیوز ٹوڈے : لندن کے ایک ڈیری سے 10 کروڑروپے کا پنیر چور چرا کر لے اڑے ـ سیلیبرٹی شیف (جیمی اولیور) نے اپنے مداحوں سے چوروں کی تلاش کیلیے مدد مانگی ہے - چور ہول سیل ڈسٹری بیوٹر کے روپ میں آۓ اور پنیر چوری کر کے لے گۓ - لندن کی مشہور ڈیری سے کم ازکم 22 ہزار کلو گرام ہائی اور ایوارڈ جیتنے والے چیدڑپنیر پر چوروں نے ہاتھ صاف کیے -

پنیر کی یہ ورائٹی بڑے بڑے ہوٹلوں یا پھر کسی بہت ہی عالیشان شادی کی تقریبات میں استعمال کی جاتی ہے -جیمی اولیور جو کہ "ننگے باورچی" کے نام سے مشہور ہیں ـ نے انسٹا گرام پر اپنے ایک کروڑ پانچ لاکھ فالوورز سے درخواست کی ہے کہ دھوکے سے ہتھیاۓ گۓ اس پنیر کا سراغ اگر کسی کو ملے تو فوری طور پر مطلع کرے -چراۓ گۓ پنیر کی قیمت تین لاکھ برطانوی پاؤنڈ تھی اور اسے اپنی نوعیت کی سب سے بڑی واردات مانا جا رہا ہے -