جبالیہ میں حماس لڑاکوں کے ساتھ آمنے سامنے لڑائی میں صیہونی فوج کے کئی فوجی ہلاک

30, اکتوبر , 2024

نیوز ٹوڈے : شمالی غزہ کے علاقہ (جبالیہ) میں فلسطین کی مزاحمتی جماعت حماس کے لڑاکوں کے ساتھ آمنے سامنے کی لڑائی میں صیہونی فوج کے 4 فوجی مارے گۓ جن میں ایک کپتان بھی شامل ہے - صیہونی فوج کے جاری کردہ بیان کے مطابق ہلاک ہونے والے فوجیوں میں ایک کپتان اور 3 سپاہی شامل ہیں -

صیہونی فوج کے مطابق حماس کے لڑاکوں کے ساتھ آمنے سامنے کی لڑائی میں ان کا ایک افسر زخمی بھی ہوا ہے ـ اسرائیلی میڈیا کی جاری کردہ رپورٹ کے مطابق ہلاک ہونے والے صیہونی فوجی "گھوسٹ یونٹ" سے تعلق رکھتے تھے اور اسرائیلی فوج ان کی ہلاکت کی تحقیقات کر رہی ہے - صیہونی فوج کا کہنا ہے کہ پچھلے ایک سال سے جاری غزہ ، اسرائیل جنگ میں اب تک 766 اسرائیلی فوجی مارے جا چکے ہیں -