شمالی غزہ پر صیہونی فوج کی وحشیانہ بمباری سے 50 بچوں سمیت متعدد فلسطینی شہید

نیوز ٹوڈے :    اسرائیلی فوج کی شمالی غزہ پر بمباری سے 50 بچوں سمیت 84 شہری شہید ہو گۓ - "بین الاقوامی میڈیا" کی دی گئی رپورٹ کے مطابق غزہ کے سرکاری حکام کا کہنا ہے کہ اسرائیل نے شمالی غزہ پر دو فضائی حملے کیے ہیں جن میں رہائشی عمارتوں کو نشانہ بنایا گیا ہے - ان اسرائیلی وحشیانہ حملوں میں 84 فلسطینی شہری شہید ہو گۓ جن میں 50 بچے شامل ہیں - صیہونی فوج نے شمالی غزہ میں بیت الہیہ پر بھی بمباری کی جس کے نتیجے میں 2 فلسطینی شہید ہو گۓ -

اس کے ساتھ ساتھ صیہونی فوج نے جبالیہ کیمپ کو بھی نشانہ بنایا ـ دوسری جانب لبنان میں حزب اللہ کے لڑاکوں نے دعویٰ کیا ہے کہ انہوں نے مقبوضہ گولان کی پہاڑہوں پر قائم اسرائیلی بستیوں پر راکٹ داغے ہیں - ایرانی سپریم لیڈر ( آیت اللہ خامنہ ای ) نے اپنے جاری کردہ ایک بیان میں عہد کیا ہے 'کہ ہم ایران پو ہوۓ حملے کا جواب صیہونی ریاست اور اس کے اتحادی امریکہ کو ضرور دیں گے - سپریم لیڈر کا کہنا تھا کہ ایران کے دشمنوں اسرائیل اور امریکہ کو یہ معلوم ہونا چاہیے کہ وہ ایران کے خلاف جو بھی کارروائی کریں گے انہیں اس کا منہ توڑ جواب ملے گا' -