بھارتی اداکارہ نے مدینہ میں شادی کرلی، تصاویر وائرل ہوگئیں

05, نومبر , 2024

نیوز ٹوڈے : بھارتی اداکارہ اور سوشل میڈیا پر اثر انداز ہونے والی ثنا سلطان کی شادی کی تقریب مدینہ منورہ میں ہوئی جس کی تصاویر سوشل میڈیا پر وائرل ہوگئیں۔بگ باس OTT 3 میں شرکت کرکے شہرت حاصل کرنے والی اداکارہ ثنا سلطان محمد واجد کے ساتھ رشتہ ازدواج میں منسلک ہوگئیں۔

ثناء سلطان نے اپنی شادی کی تقریب کی تصاویر اپنے انسٹاگرام اکاؤنٹ پر شیئر کی ہیں جس کے ساتھ طویل کیپشن بھی ہے۔اداکارہ نے اپنی پوسٹ میں اپنے شوہر کے بارے میں زیادہ کچھ نہیں کہا لیکن چند الفاظ کے ذریعے اپنی خوشی کا اظہار کیا۔

انہوں نے لکھا کہ الحمدللہ! میں نہایت عاجزی اور خوشی کے ساتھ بتا رہا ہوں کہ مجھے اپنے واجد جی سے مدینہ جیسے پاکیزہ اور مقدس مقام پر شادی کرنے کی سعادت حاصل ہوئی ہے۔

ثنا نے مزید لکھا کہ دوست سے جیون ساتھی تک کا ہمارا سفر محبت، صبر اور ایمان کا ثبوت ہے۔

اداکارہ کو ان کے دوستوں اور مداحوں کی جانب سے بھی مبارکبادوں کا سلسلہ جاری ہے، اس کے علاوہ سوشل میڈیا کے کئی ستاروں نے بھی اداکارہ کو شادی کی مبارکباد دی۔