امریکی الیکشن: رات گئے پولنگ کا نتیجہ، ٹرمپ اور کملا کو کتنے ووٹ ملے؟

نیوز ٹوڈے :     امریکی صدارتی انتخابات میں الیکشن ڈے ووٹنگ شروع ہو گئی ہے اور پہلے نتائج بھی سامنے آ گئے ہیں۔امریکہ کے صدارتی انتخابات میں الیکشن ڈے ووٹنگ نیو ہیمپشائر میں رات گئے شروع ہوئی اور پہلا ووٹ نیو ہیمپشائر کے ایک چھوٹے سے قصبے ڈکس ول نوچ میں ڈالا گیا۔

غیر ملکی میڈیا کے مطابق ڈکس ول نوچ میں کل 6 ووٹ رجسٹر ہوئے جن میں سے ڈونلڈ ٹرمپ اور کملا ہیرس دونوں کو 3.3 ووٹ ملے اور اس طرح نیو ہیمپشائر کے ایک چھوٹے سے قصبے میں ڈیموکریٹ اور ریپبلکن امیدواروں کے درمیان مقابلہ برابر رہا۔ رپورٹ کے مطابق 2020 کے امریکی صدارتی انتخابات میں جو بائیڈن کو اس ٹاؤن سے تمام 5 ووٹ ملے جب کہ ٹرمپ ایک ووٹ بھی حاصل نہ کر سکے۔

امریکی میڈیا کے مطابق ڈکس ویل نوچ نامی قصبے میں 1960 میں امریکا کی دیگر تمام ریاستوں سے پہلے رات گئے ووٹنگ شروع ہوئی تھی اور اب یہ ایک روایت بن چکی ہے۔ واضح رہے کہ امریکا میں صدارتی انتخابات آج ہونے جارہے ہیں اور انتخابات کے دن ووٹنگ اب سے چند گھنٹے بعد باقاعدہ شروع ہوجائے گی جب کہ ہر ریاست میں ووٹنگ کے آغاز اور اختتام کا وقت مختلف ہوسکتا ہے۔

اس کے علاوہ اب تک 70 ملین سے زائد امریکی ابتدائی ووٹنگ بیلٹ اور ای میل ووٹنگ کے ذریعے اپنا ووٹ ڈال چکے ہیں۔ توقع ہے کہ صدارتی انتخابات میں ریپبلکن امیدوار ڈونلڈ ٹرمپ اور ڈیموکریٹ پارٹی کی کملا ہیرس آمنے سامنے ہوں گے، صدر منتخب ہونے کے لیے کسی بھی امیدوار کو 538 الیکٹورل ووٹوں میں سے کم از کم 270 ووٹ درکار ہوں گے۔