ہماری لڑائی امریکہ کے بہتر مستقبل کی جنگ ہے، کملا ہیرس کی شکست کے بعد کی تقریر

07, نومبر , 2024

نیوز ٹوڈے : ڈیموکریٹک صدارتی امیدوار کملا ہیرس نے الیکشن میں شکست کے بعد تقریر میں انتخابی مہم کی حمایت کرنے والوں کا شکریہ ادا کیا۔امریکی انتخابات میں ڈونلڈ ٹرمپ سے ہارنے والی کملا ہیرس نے شکست قبول کرتے ہوئے کہا کہ وہ الیکشن ہار رہی ہیں، وہ اقتدار کی پرامن منتقلی کو یقینی بنانے کے لیے پرعزم ہیں۔

شکست کے بعد اپنی تقریر میں کملا ہیرس نے کہا کہ انتخابی نتائج کو قبول کرنا چاہیے۔ جمہوریت کا اصول ہے کہ اگر آپ ہارتے ہیں تو آپ کو ہار ماننی ہوگی۔ جمہوریت اور آمریت میں یہی فرق ہے۔

انتخابی مہم میں ان کا ساتھ دینے والوں کا شکریہ ادا کرتے ہوئے کہا کہ انہوں نے انتخابی مہم میں عوام کو متحد کرنے کی کوشش کی۔

ان کا کہنا تھا کہ تارے صرف اندھیرے میں نظر آتے ہیں، ہماری لڑائی امریکا کے بہتر مستقبل کی جنگ ہے۔کملاہیرس نے کہا کہ وہ اپنے شہریوں کو بندوق کے تشدد سے محفوظ رکھنے کی لڑائی ترک نہیں کریں گی۔