جنوبی لبنان میں شہید حسن نصراللہ کے آبائی گھر پر اسرائیلی بمباری میں خاندان کے 5 افراد شہید

11, نومبر , 2024

نیوز ٹوڈے : لبنان پر اسرائیلی بمباری میں حسن نصراللہ کے چچا ، ان کے 3 بیٹے اور ایک پوتا بھی شہید ہو گۓ - لبنان کے جنوبی علاقے پر بمباری میں حزب اللہ کے شہید سربراہ حسن نصراللہ کے خاندان کے 5 افراد شہید ہو گۓ - عرب میڈیا کی دی گئی رپورٹ کے مطابق اسرائیلی لڑاکا طیارے نے جنوبی لبنان کے ضلع صور کے ایک گاؤں البزوریہ جہاں پر شہید حزب اللہ سربراہ حسن نصراللہ پیدا ہوۓ تھے ، کے ایک گھر پر بمباری کی جس کے نتیجے میں 5 افراد شہید ہو گۓ -

شہید حسن نصراللہ کے آبائی گھر پر اسرائیلی بمباری میں ان کے چچا حسن نصراللہ کے 3 چچا زاد بھائی اور ایک ان کے چچا کے پوتے بھی شہید ہو گۓ - حزب اللہ سربراہ حسن نصراللہ ستمبر کے مہینے میں لبنان میں حزب اللہ کے ہیڈ کوارٹر پر صیہونی فوج کی بمباری سے اپنے 2 ساتھیوں سمیت شہید ہو گۓ تھے -ان کے بعد ان کے ممکنہ جانشین ہاشم صفی الدین کو بھی اسرائیلی فوج نے ایک حملے میں شہید کر دیا تھا - حزب اللہ کے ان قائدین کی شہادتوں کے بعد قاسم نعیم کو جماعت کا نیا سربراہ مقرر کیا گیا -