حماس کے ساتھ فائرنگ کے تبادلے میں صیہونی فوج کے کیپٹن سمیت 2 فوجی ہلاک
- 18, نومبر , 2024
نیوز ٹوڈے : شمالی غزہ میں حماس کے لڑاکوں کے ساتھ جھڑپوں میں صیہونی فوج کے 2 جوان ہلاک ہو گۓ جن میں ایک کیپٹن بھی شامل تھا ـ صیہونی فوج کے جاری کردہ بیان کے مطابق دونوں فوجی جوان اتوار کی صبح شمالی غزہ کے علاقہ "بیت لاہیہ" میں حماس کے لڑاکوں کے ساتھ فائرنگ کے تبادلے میں ہلاک ہو گۓ ـ صیہونی فوج کے مطابق ہلاک ہونےو الے دونوں فوجیوں میں ایک کیپٹن جس کی عمر 22 سال تھی جبکہ سپاہی جس کی عمر 21 سال تھی شامل ہیں ۔ صیہونی فوج کے دیے گۓ بیان کے مطابق حماس کے لڑاکوں کے ساتھ فائرنگ کے تبادلے میں ان کا ایک فوجی زخمی بھی ہو گیا ـ اسرائیل کے میڈیا کے مطابق 7 اکتوبر 2023 سے شروع ہونے والی حماس کے ساتھ جنگ میں اب تک صیہونی فوج کے 797 فوجی مارے جا چکے ہیں ـ
وسیم حسن
تبصرے