لاہور ہائیکورٹ نے پنجاب حکومت کو اہم ہدایت جاری کر دی

20, نومبر , 2024

نیوز ٹوڈے : ہائی کورٹ نے پنجاب حکومت کو موٹر سائیکلوں کو بیٹری پر منتقل کرنے کا حکم دے دیا۔سموگ تدارک کیس میں لاہور ہائیکورٹ نے گزشتہ سماعت کا تحریری حکم نامہ جاری کر دیا۔ سموگ تدارک کیس میں جسٹس شاہد کریم نے ریمارکس دیئے کہ لاہور میں چھوٹے اور درمیانے درجے کی پبلک ٹرانسپورٹ کے حوالے سے پالیسی بنائی جائے۔

انہوں نے کہا کہ لاہور میں موٹر سائیکلوں کی کڑی نگرانی کی ہدایت کی گئی ہے۔ عدالت نے ریمارکس دیئے کہ سموگ پالیسی پر سنجیدگی سے عمل کیا جائے تو اس کے مثبت نتائج برآمد ہوں گے۔