عمران خان کے لیے بری خبر

20, نومبر , 2024

نیوز ٹوڈے : لاہور ہائیکورٹ نے پی ٹی آئی کے بانی عمران خان کی تمام مقدمات میں عبوری ضمانت کی درخواست مسترد کر دی۔ لاہور ہائیکورٹ کے جسٹس فاروق حیدر نے عمران خان کے خلاف دائر مقدمات کی تفصیلات کے لیے ان کی بہن نورین نیازی کی درخواست پر سماعت کی۔ عدالت کو بتایا گیا کہ اسلام آباد پولیس کی جانب سے عمران خان کے خلاف 62 اور پنجاب میں 54 مقدمات درج کیے گئے ہیں۔

سماعت کے دوران درخواست گزار کے وکیل نے عدالت سے استدعا کی کہ عمران خان کی تمام مقدمات میں ضمانت منظور کی جائے، جس پر جسٹس فاروق حیدر نے کہا کہ میرے خیال میں ملزم کی ضمانت قبل از گرفتاری عدالت میں پیش ہونا ضروری ہے۔ بعد ازاں عدالت نے تمام رپورٹس کی روشنی میں درخواست نمٹا دی۔