کے پی حکومت کا ریسکیو 1122 کی گاڑیاں احتجاج کے لیے لے جانے کا فیصلہ

21, نومبر , 2024

نیوز ٹوڈے : خیبرپختونخوا حکومت نے اس بار بھی احتجاج کے لیے ریسکیو 1122 کی گاڑیاں لے جانے کا فیصلہ کیا ہے۔صوبائی وزیر برائے ہائر ایجوکیشن کے پی مینا خان نے بتایا کہ وزیر اعلیٰ علی امین گنڈا پور نے ہدایت کی ہے کہ 24 نومبر کو ہونے والے احتجاج کے لیے امدادی گاڑیاں پی ٹی آئی کے قافلوں کے ساتھ جائیں گی، اور اگر ضرورت پڑی تو نجی گاڑیاں کرائے پر لی جائیں گی۔

واضح رہے کہ تحریک انصاف نے 24 نومبر کو فیصلہ کن احتجاج کے طور پر دارالحکومت اسلام آباد کی طرف مارچ کی کال دی ہے جب کہ پارٹی نے 26ویں ترمیم واپس لینے، گرفتار کارکنوں کی رہائی اور انتخابی مینڈیٹ کی واپسی کا مطالبہ کیا ہے۔ .

دوسری جانب حکومت نے بھی پی ٹی آئی کے احتجاج اور ممکنہ دھرنے سے نمٹنے کے لیے تیاریاں شروع کردی ہیں اور اس سلسلے میں وفاقی دارالحکومت میں سیکیورٹی کے انتظامات مزید سخت کرنے کا فیصلہ کیا گیا ہے۔