آرمی چیف کا دفاعی نمائش آئیڈیاز 2024 کا دورہ، ہتھیاروں اور آلات کی نمائش کا مشاہدہ

نیوز ٹوڈے :   آئی ایس پی آر کے مطابق آرمی چیف جنرل سید عاصم منیر نے دوست ممالک کے دفاعی صنعت کاروں کی فعال شرکت کو سراہا۔پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آرمی چیف جنرل عاصم منیر نے دفاعی نمائش آئیڈیاز 2024 کا دورہ کیا، کور کمانڈر کراچی لیفٹیننٹ جنرل بابر افتخار نے آرمی چیف کا کراچی پہنچنے پر پرتپاک استقبال کیا۔ ترجمان پاک فوج کا کہنا ہے کہ آئیڈیاز 2024 کا 12واں ایڈیشن 19 نومبر کو شروع ہوا اور 22 نومبر 2024 کو ختم ہوگا۔آئی ایس پی آر کے مطابق آرمی چیف جنرل سید عاصم منیر نے تقریب میں موجود غیر ملکی فوجی حکام اور دفاعی مندوبین سے بھی بات چیت کی۔

ترجمان پاک فوج نے بتایا کہ 36 ممالک نے نمائشی سٹالز لگائے ہیں جن میں سے 17 ممالک پہلی بار شرکت کر رہے ہیں۔ نمائش میں کل 557 نمائش کنندگان شرکت کر رہے ہیں جن میں سے 333 بین الاقوامی نمائش کنندگان ہیں۔ آئی ایس پی آر کا مزید کہنا تھا کہ آرمی چیف نے دوست ممالک کے دفاعی صنعت کاروں کی فعال شرکت کو سراہا۔ ترجمان پاک فوج نے کہا کہ تقریب کی خاص بات جی آئی ڈی ایس پاکستان کی جانب سے تیار کردہ شاہپر 3 بغیر پائلٹ کے فضائی گاڑی کا افتتاح تھا۔ zzz