بیروت کے جنوبی مضافات میں حزب اللہ لڑاکوں کے ساتھ لڑائی میں 3 اسرائیلی فوجی ہلاک

نیوز ٹوڈے :  جمعرات کے دن صیہونی فوج نے بیروت کے جنوبی مضافاتی علاقے (حارہ حریک اور ضاحیہ) پر بمباری کی - اس سے پہلے بدھ کے دن بھی صیہونی فوج نے جنوبی لبنان میں حزب اللہ کے لڑاکوں کے ساتھ جھڑپوں میں اپنے 3 فوجیوں کی ہلاکت کا اعلان کیا تھا - صیہونی فوج ستمبر کے مہینے سے ان علاقوں میں حزب اللہ کے لڑاکوں کے ساتھ جنگ میں مصروف ہے - اس سے قبل جنوبی لبنان میں ہی ایک اور علاقہ میں لڑائی میں ایک فوجی کی ہلاکت کی تصدیق کی گئی -

بیروت کے جنوبی مضافات پر صیہونی فوج کے حملے کے بعد سے اب تک 52 اسرائیلی فوجی ہلاک ہو چکے ہیں - امریکی قیادت لبنان میں جنگ بندی کرانے کیلیے بھر پور بین الاقوامی کوششیں کر رہی ہے ـ لبنان کیلیے مختص امریکی نمائندے "ہوکشٹائن" کا کہنا تھا کہ وہ اضافی پیش رفت کیلیے بیروت سے اسرائیل جا رہے ہیں - لبنانی وزارت صحت کے مطابق اکتوبر 2023 سےلے کر آج تک صیہونی فوج کے حملوں میں 3558 لبنانی شہید جبکہ 15123 زخمی ہو چکے ہیں - لبنان کی وزارت صحت کے مطابق صیہونی فوج نے لبنان کے شہر (صور) پر بمباری کی جس کے نتیجے میں 9 افراد ہلاک اور 65 زخمی ہو گۓ -