دنیا کی بہترین عمارت کا اعزاز کس سکول نے حاصل کیا؟

نیوز ٹوڈے :    آسٹریلیا کے ایک سکول نے دنیا کی بہترین عمارت کا اعزاز حاصل کر لیا ہے۔غیر ملکی میڈیا کے مطابق آسٹریلیا کے شہر سڈنی کے نواحی علاقے چیپینڈیل میں واقع ڈارلنگٹن پبلک اسکول نے خوبصورتی میں تمام فلک بوس عمارتوں کو پیچھے چھوڑ دیا۔

میڈیا رپورٹس کے مطابق سنگاپور میں ’ورلڈ آرکیٹیکچر فیسٹیول‘ کا انعقاد کیا گیا جس میں 220 خوبصورت اور بلند عمارتوں میں سے چیپینڈیل کے اسکول نے ’ورلڈ بلڈنگ آف 2024‘ کا ٹائٹل جیت لیا۔

میڈیا رپورٹس میں بتایا گیا ہے کہ اس اسکول کی عمارت نے اپنی خوبصورتی کے باعث 2013 میں ’آکلینڈ آرٹ گیلری توئی او تماکی‘ میں پہلا انعام بھی جیتا تھا۔

میڈیا رپورٹس کے مطابق یہ ایک پرانی عمارت تھی، جسے سڈنی کے ایک ماہر تعمیرات نے اپنی مہارت سے پرکشش بنایا تھا۔ اس عمارت میں ایک مخصوص 'ساؤ ٹوتھ' چھت ہے، جب کہ اسکول میں ایک بڑا باسکٹ بال کورٹ اور بچوں کے کھیلنے کے لیے ایک کمیونٹی گارڈن بھی ہے۔

میڈیا رپورٹس کے مطابق 'ورلڈ آرکیٹیکچر فیسٹیول' 18 مختلف کیٹیگریز پر مشتمل تھا، جس میں سنگاپور میں بزرگ شہریوں کے لیے بنائے گئے ہاؤسنگ کمپلیکس کا ڈیزائن اور ڈنمارک کے دارالحکومت کوپن ہیگن میں چھت پر بنائے گئے ویسٹ ٹو انرجی پاور پلانٹ شامل تھے۔ بھی تعریف کی.