دبئی میں غائب ہونے والے اسرائیل کے مذہبی رہنما کی لاش مل گئی
- 25, نومبر , 2024
نیوز ٹوڈے : دبئی میں جمعرات کے دن سے غائب ہو جانے والے اسرائیلی ربی کی لاش مل گئی - "عرب میڈیا" کی دی گئی رپورٹ کے مطابق (بن یامین نیتن یاہو) کے دفتر اور اسرائیل کے وزارت خارجہ نے اعلان کیا ہے کہ اسرائیل کے مذہبی رہنما "زوی کوگن" کی لاش مل چکی ہے - اسرائیل اور عرب امارات کے حکام نے اسرائیلی ربی کے قتل کی تحقیقات کا آغا ز کر دیا ہے - جاری کردہ بیان میں کہا گیا کہ اسرائیلی ربی کا قتل یہودی مخالف دہشتگردی کا واقعہ ہے -
اسرائیل مجرموں کو ہر حال میں انجام تک پہنچائے گا - اسرائیل کے میڈیا کی دی گئی رپورٹ کے مطابق قتل ہونے والے اسرائیلی مذہبی رہنما کے پاس یورپ کے ملک "مالڈووا " کی شہریت بھی تھی - اور وہ مالڈووا کے پاسپورٹ پر ہی دوبئی میں آۓ تھے ـ دبئی میں قائم مالڈووا کا سفارت خانہ بھی قتل کی تحقیقات میں شامل ہو گیا ہے - ایک دن قبل امارات کے وزارت داخلہ کے دفتر اور اسرائیلی وزیر اعظم کے دفتر سے اسرائیل کے مذہبی رہنما کی گمشدگی کی اطلاعات موصول ہوئی تھیں -
تبصرے