شما لی غزہ پر صیہونی فوج کی بمباری سے یرغمال اسرائیلی خاتون ہلاک

نیوز ٹوڈے :   غزہ پر صیہونی فوج کے حملے میں حماس کی قید میں موجود اسرائیلی یرغمالی خاتون ہلاک ہو گئ ـ ایک دن پہلے (القسام بریگیڈ کے ترجمان ابو عبیدہ) نے اپنے جاری کردہ بیان میں بتایا کہ 'اسرائیلی بمباری سے ہلاک ہونے والی قیدی صیہونی خاتون کو دوسری قیدی عورتوں کے ساتھ رکھا گیا تھا - جس کی جان خطرے میں تھی ـ ابو عبیدہ نے بتایا کہ ہلاک ہونے والی یرغمالی عورت کے ساتھ موجود حماس کے لڑاکوں کے ساتھ کئی ہفتوں کے بعد رابطہ ممکن ہوا جس سے یہ پتہ چلا کہ قیدی عورت شمالی غزہ کے اس علاقے میں ہلاک ہوئی جہاں پر اسرائیلی فوج آپریشن کر رہی تھی' -

القسام بریگیڈ نے اس سے متعلق مزید کوئی اطلاع نہیں دی اور نہ ہی بتایا کہ اسرائیلی یرغمالی عورت کب اور کیسے قتل ہوئی - دوسری طرف صیہونی فوج کے مطابق وہ القسام بریگیڈ کے اس دعوے کی تصدیق نہیں کر سکتے - حماس کی طرف سے ہلاکت کی تصویریں جاری کرنے کے بعد معلومات اکٹھی کی جا رہی ہیں ـ پچھلے سال حماس نے اسرائیل پر حملے کے وقت 251 صیہونیوں کو یرغمال بنا لیا تھا ـ جن میں سے 97 یرغمالی اب بھی حماس کی حراست میں ہیں -