مریم نواز نے غداری اور انتشار پھیلانے والوں کا ساتھ نہ دینے پر پنجاب کے عوام کا شکریہ ادا کیا

27, نومبر , 2024

نیوز ٹوڈے : لاہور: وزیر اعلیٰ پنجاب مریم نواز شریف نے غداری اور انتشار پھیلانے والوں کا ساتھ نہ دینے پر پنجاب کے عوام کا شکریہ ادا کیا ہے۔وزیراعلیٰ مریم نواز نے پنجاب بھر کی سڑکیں کھولنے کا حکم دیتے ہوئے کھانے پینے کی اشیاء کی سپلائی برقرار رکھنے کے لیے اقدامات کی بھی ہدایت کی۔

مریم نواز نے انتظامیہ کو اشیائے ضروریہ کی قیمتوں کو کنٹرول کرنے کا حکم دیتے ہوئے کہا کہ وہ انتشار پسندوں کی جانب سے رکاوٹوں کے باعث عوام کی تکالیف سے آگاہ ہیں، عوام کو ہونے والی تکالیف اور پریشانی پر انتہائی افسوس ہے۔